اكلات الاردنيه

بسم الله نبدا
ملف شامل ومتجدد عن اكلات المملكه الاردنيه الهاشميه؟؟

المقادير
2كياو لحمة بلدي طبعا
لبن جميد حسب مقدار اللحمة
ملح
1كيلو رز صنوايت
2ملعقتين سمن بلدي
خبز شراك
لوز -صنوبر- بقدونس(للزينة)
ولاتنسو البهارات(الهيل)

اليكم الطريقة
ضع اللحمة في وعاء الطبخ
ضع عليها الماء ودعها تغلي
عند الغليان ازل رغوة اللحمة
ثم ضع ملعقة ملح وبهارات الهيل
ودعها تتغلي على مهل
تكون انت بنفس الوقت نقعت الرز
وتكون قد خلطت الجميد بالمولينكس مع اضافة الماء
حتى لايكون ثقيل
طريقة عمل الرز
صفي الرز عن الماء
وضع السمن البلدي في اناء اخر لطبخ الرز
دع السمن يحمى ثم ضع الرز و اضف عليه الماء ثم ضع عليه الكركم
لاعطاء لون الرز الاصفر
نعود الى الحمة
اذا نضجت نضع عليها لبن الجميد ونضيف نصف ملعقة كركم
ودعها حتى اللبن يغلي لاتطل عليه حتى لا يصبح مر
نحضر صحن كبيير (او سدر) ثم نفرد خبز الشراك ونصب عليه اللبن ثم نضع الرز
ونصب مرة اخرى اللبن
رتب اللحمة
على السدر
وضع اللوز والصنوبر والبقدونس وغطيهم بخبز شراك

وصحتين وعافية وانشاالله يعجبكم
جربوها واحكولي كيف طلعت معكم
===

طريقة طبخ المفتول :

المفتول هي أكلة مع دجاج غالبا ..

بنسلق الدجاجة بالطريقة العادية بعد تقطيعها ..
ومع المرقة بتحطي بصل مقطع وحب حمص .. وممكن حبة طماطم ..
بالإضافة للبهارات كاملة من ورق غار وهيل وفلفل وقرفة وقرنفل ... إلخ
وبعد ما تستوي قطع الدجاجة بنشيلها لنحمرها ..
وبنحط على فتحة الطنجرة مصفاة كبيرة اللي تغطي الفتحة كاملة ..
وبنحط فيها كل المفتول .. وبنتركه "يتهبــّل" من البخار مدة ساعة ..
بعدها بتحطي المفتول بصينية كبيرة وبتصبي شوي من مرقة الدجاج عليه مع البصل والحمص ..
وفيه ناس بتحب تصب شوية زيت زيتون على الصينية ..
'طبعا المفتول صعب اعلمكم كيف تعملوه الا از تتفضلو عنا عالاردن وحياكم الله
ممكن تروحي عالسوبر ماركت او السيفوي وتراقي كيس مجمد مع المجمدات اسمو مفتول
وصحتين

===
طبق اردني شهير ولذيذ جدا رح نزله لعيون احلى الوردات

طبعا بيصير ينعمل باللحمه وكلو حسب الرغبه
المقادير حسب افراد الاسره

دجاج مغسل ومقطع
فريكه خشنه
حمص حب مسلوق
لوز لحمه مفرومه سن خشن
زيت ذره او سمن بلدي كميه قليله
ماجي ملح فلفل اسود ورق غار قرفه ناعمه
بصله متوسطه

ننقع الفريكه بالماء الدافئ نصف ساعه ونتركها جانبا
وطبعا بهاي الوصفه بالذات لازم فريكه خشنه والشوربه بتنعمل بالفريكه الناعمه
نفرم البصله ونشوحها على النار بالسمنه او الزيت لحتى تشقر
نضيف قطع الدجاج ونقلبها لحتى تتحمر قليلا قليل
نضيف الملح والماجي وباقي التوابل المذكوره
نضيف كميه مناسبه من الماء ونتركها تغلي لحتى تقارب على الاستواء
مو تستوي كتير لانو بدنا نحطها مع الفريكه
بعد هيك نقلي الدجاج ونصفيه من الزيت
نغسل الفريكه ونتخلص من اي شئ عالق على سطح ماؤها اولا
نرش بقعر الطنجره رشة فريكه خفيفه
نرتب قطع الدجاج المقلي والحمص الحب
نضيف باقي الفريكه على المقادير
نصفي ماء سلق الدجاج من الشوائب والبصل ونضيفه على الفريكه
نزبط الملح ونشوف اذا بدها زيت والا لا ونعمل اللازم
نغطي الطنجره ونضعها على نار متوسطه ولما تبلش تغلي
نوطي النار ونراقبها باستمرار
لانو الفريكه بدها عنايه لحتى ما تخبص معنا
وما تقلبي المقادير تقليب بس دخلي الملعقه الخشبيه لقعر الطنجره
لحتى تسمحي للماء يتوزع ويتنشف وهاد من وقت للتاني
ولما تجف منيح اسكبيها في طبق واسع وزينيها باللوز واللحمه المفرومه
وتقدم مع السلطه الخضراء المشكله واللبن الروب


ملاحظه
ممكن نقلي الدجاج او نشويه بالفرن ونطبخ الفريكه لوحدها مثل الارز بالزبط
وبعدين نرتب الدجاج فوقها يعني الطريقتين حلوين